An chuideachta dhíscaoilte - Bás nó ath-fhás?

• Author: Benedict Ó Floinn
• Position: M.A. (Oxon), B.L.
• Pages: 129-138

AN CHUIDEACHTA DHÍSCAOILTE -

BÁS NÓ ATH-FHÁS?

BENEDICT Ó FLOINN*

Deir Courtney ina Law of Private Companies, “[o]nce

[a] company is struck off, it ceases to have any legal

existence.”1 Labhraíonn McCann i dtéarmaí níos láidre fós:

“[j]ust as the company can no longer sue after dissolution,

similarly all personal rights of action against the company are

lost.”2 Ag brath ar an bprionsabal seo, deirtear go minic sa

chúirt nach bhfuil cead ag gearánaí, atá ag cur an dlí ar

chuideachta a dhíscaoiltear i rith na cúise, na h-imeachtaí a

chur chun cinn go n-athchláraítear í.

I. CEIST CHASTA?

Tá sé soléir, áfach, go bhfuil an tuairim seo

ró-shimplí. Tá cuma na fírinne uirthi sa mhéid is a dhéantar

macnamh ar dhíscaoileadh a tharlaíonn de thoradh

foirceannadh i.e. de thoradh alt 273 (4) nó (5) d’Acht na

gCuideachtaí, 1963. Aithníodh an díscaoileadh seo mar rud

atá críochnaitheach agus dochloíte. Chun ainm na cuideachta

a chur ar ais ar Chlár na gCuideachtaí sa chás seo, baintear

úsáid as alt 310 d’Acht 1963. Foráiltear leis an alt seo:

Nuair a bheidh cuideachta díscaoilte,

féadfaidh an chúirt ... má dhéanann

leachtaitheoir, nó aon duine eile a bhfeicfear

don chúirt go bhfuil leas aige ann, iarratas

chuige sin, ordú a dhéanamh, ar cibé téarmaí is

cuí leis an gcúirt, á dhéarbhú go raibh an

díscaoileadh ar neamhní agus air sin féadfar

129 Judicial Studies Institute Journal [2:2

2 (1990) Gazette of the Incorporated Law Society 125 ag 127.

1 Alt 18.122.

* M.A. (Oxon), B.L.