MacCárthaigh v Éire and Others

• Jurisdiction: Ireland
• Judge: Bhreithimh Charleton
• Judgment Date: 30 May 2008
• Neutral Citation: [2008] IEHC 158
• Docket Number: [Uimh. 611 J.R./2007]
• Court: High Court
• Date: 30 May 2008

[2008] IEHC 158

AN ARD-CH ÚIRT

[Uimh. 611 J.R./2007]

MacCárthaigh v Éire & Ors

ATHBHREITHNI Ú BREITHI ÚNACH

IDIR

RUAIRÍ MAC CÁRTHAIGH

IARRATAS ÓIR

AGUS

ÉIRE AGUS AN tARD-AIGHNE, AN tAIRE DLÍ AGUS CIRT, COMHIONANNAIS AGUS ATHCH ÓIRITHE DLÍ, AGUS AN STI ÚRTH ÓIR IONCH ÚISEAMH POIBLÍ

FREAGR ÓIRÍ

RSC O.84

G v DPP 1994 1 IR 374

KEANE v BORD PLEANALA 1997 1 IR 184

ACHT RIALTAIS AITIUIL (PLEANAIL & FORBAIRT) 1992

ACHT NA NDIDEANAITHE 1996

ACHT INIMIRCE 1999

ACHT UM INIMIRCIGH NEAMHDHLEATHACHA (GAINNEAIL) 2000 S5

O'REILLY v CASSIDY 1995 1 ILRM 306

RSC O.84 r20

COINBHINSIUN NA HEORPA UM CHEARTA AN DUINE ART 6

ACHT UM CHOINBHINSIUN NA HEORPA UM CHEARTA AN DUINE 2003 S3

RSC O.84 r21(1)

O'DONNELL v DUN LAOGHAIRE CORP 1991 ILRM 301

ACHT UM THRACHT AR BHOITHRE 1994 S13

ACHT UM THRACHT AR BHOITHRE 1961 S49(8)

O BEOLAIN v FAHY & ORS 2001 2 IR 279 2001/18/4947

ACHT NA DTEANGACHA OIFIGIULA 2003

Ó GRÍBÍN v AN CHOMHAIRLE MH ÚINTEOIREACHTA, AN ROINN OIDEACHAIS AGUS EOLAÍOCHTA, ÉIRE AGUS AN tARD-AIGNEFREAGR ÓIRÍ UNREP MURPHY 21.12.2007 2007 IEHC 454

JUDICIAL REVIEW

Delay

Extension of time - Leave granted 2 years after charge, 1 year after trial date - Explanation for delay - Strength of case - Whether extension of time should be granted where no explanation for delay in seeking relief - Whether strength of grounds should cause discretion to be exercised in favour of applicant - Time not adverted to when leave sought ex parte - Whether application to be treated de novo - Rules of the Superior Court 1986 (SI 15/1986), O 84, r. 21(1) - Extension of time refused, leave struck out (2007/611JR - Charleton J - 30/5/2008) [2008] IEHC 158

Mac Cárthaigh v Éire

BREITHI ÚNAS an

Bhreithimh Charleton

tugtha ar 30 Bealtaine, 2008

1 Thug Clarke J. ceadex parte don iarratasóir imeachtaí athbhreithnithe bhreithiúnaigh a eisiúint ar 27 Bealtaine 2007. Éilíonn an t-iarratasóir ordú a shrianann a ionchúiseamh ar chúiseamh a bhaineann leis an reachtaíocht um thiomáint ar meisce maidir le diúltú sampla anála a thabhairt i mBealtaine 2005. Tá foriarratas curtha os comhair na cúirte ag na freagróirí chun éileamh an iarratasóra a dhíbhe mar thoradh ar an moill a bhí air ag cur tús leis na himeachtaí seo. Maíonn an t-iarratasóir go bhfuil na cearta a dhearbhaíonn sé chomh tábhachtach sin gur chóir an mhoill ar an iarratas seo a mhaitheamh. Nuair a rinneadh an t-iarratas ex parte ar Clarke J., maidir leis na cearta a dhearbhaítear anseo, níor thagair an mionnscríbhinn d'iarracht an iarratasóra déileáil le ceist na moille. Dearbhaíonn an t-iarratasóir gur mór an t-ualach anois ar na freagróirí an cás a dhíbhe de bharr go bhfuil orthu a thaispeáint nár chóir don Ard-Chúirt a bheith tar éis cead a thabhairt dó na himeachtaí athbhreithnithe bhreithiúnaigh a thosú. Ar an lámh eile de, dearbhaíonn na freagróirí gur chóir don Chúirt seo an t-ábhar a phlé anois, amhail is dá mbeadh an t-iarratas seo á dhéanamh don chéad uair, mar nach ndearnadh an mhoill a phlé ag an gcéim ex parte.

2 Chun iarratas athbhreithnithe bhreithiúnaigh a thosú faoi O. 84 de Rialacha na nUaschúirteanna, ní gá don iarratasóir ach foras inargóinte a thaispeáint i dáil le leigheas a lorg;G v. D.P.P. [1994] 1 I.R. 374. Tagaíodh i gceart dó seo mar chaighdeán measartha; Denham Brmh. ar lch.31. Is mór an chontrárthacht idir seo agus forais shubstaintiúla a thaispeáint, rud a fheidhmíonn faoin Acht um Pleanáil agus Forbairt; Keane v. An Bord Pleanála [1997] 1 I.R. 184. Thug an tAcht Rialtais Áitiúil (Pleanáil agus Forbairt) 1992 isteach an caighdeán a chuireann iallach ar iarratasóir ar athbhreithniú breithiúnach forais shubstaintiúla a chruthú sula dtabharfaidh an chúirt cead iarratas ar athbhreithniú breithiúnach a thabhairt. Cuireann an tástáil seo ar fhorais shubstaintiúla iallach ar iarratasóir argóint, nach argóint fhánach ná chaol í ach argóint thromchúiseach, a chur in iúl don chúirt. Rinneadh an tástáil seo a atáirgeadh ó shin i reachtaíocht eile, ach go háirithe sna hagóidí in aghaidh chinntí i leith daoine a bhfuil teipthe orthu os comhair na gcomhlachtaí reachtúla faoi Acht na nDídeanaithe 1996 a chruthú gur dídeanaithe iad, agus i ndáil le hiarratais eile faoin Acht Inimirce 1999; féach an tAcht um Inimircigh Neamhdhleathacha (Gáinneáil) 2000, alt 5.

3 Sa chás seo is lú caighdeán na tástála ó thaobh cead a thabhairt imeachtaí athbhreithnithe bhreithiúnaigh a thosú; cé acu ar féidir nó nach féidir leis an iarratasóir a léiriú, más cruinn iad na fíorais a dhearbhaítear, go bhféadfaí go bhfuil a aighneacht dlí ar son an leighis ceart. Ní cuí don Ard-Chúirt, ag céim an cheada, ach glacadh leis go bhfuil mionnscríbhinn an iarratasóra ceart agus ansin a mheas an bhféadfadh an argóint dlí a bheith ceart; O'Reilly v. Judge John Cassidy [1995] 1 I.L.R.M. 306 ar lch. 308. Dá bharr sin ní cuí don Ard-Chúirt ag céim an cheada aon tuairim a nochtadh ar neart nó laige na bhforas a chuirtear ar aghaidh, ag glacadh leis go bhfuil siad inargóinte.

4 Sular cuireadh tús le Rialacha nua na nUaschúirteanna, agus ach go háirithe, O.84, a phléann le hiarratais ar athbhreithniú breithiúnach, de réir cleachtais bhí ar iarratasóir a bhí ag lorg an leighiscertiorari, cosc nómandamus, cás a bhunú ar chaighdeán níos airde ná an ceann reatha. Bhí sé sin amhlaidh mar dhéanadh an Chúirt, faoin leagan níos luaithe de Rialacha na nUaschúirteanna, ordú coinníollach a thabhairt maidir leis na leighis seo, seachas gan ach cead a thabhairt tús a chur le hiarratas, mar a tharlaíonn anois faoi O. 84 r.20 de na rialacha reatha.

5 Féadann cead a thabhairt chun tús a chur le hiarratas ar athbhreithniú breithiúnach dul i gcion go mór ar riar ceartais. Mar shampla, más é atá i gceist ná bailíocht shocrú de chuid an Stiúrthóra Ionchúiseamh Poiblí leanúint ar aghaidh le seanchás éignithe nó mí-úsáide gnéasaí a ionchúiseamh, d'fhéadfadh blianta dul thart sular féidir an cás a chríochnú. Dá bharr sin is féidir cur isteach go mór ar cheart an phobail go ndéanfaí ionchúiseamh coiriúil a dhiúscairt go réasúnta tapaidh. Ós rud é gurb í an cheist i gcásanna moille mar seo ná an mhoill féin, cuireann an imeacht seo leis an éagóir, cé gur féidir amanna an beart sin a chosaint. Sa chás gurb í an cheist ná ceann maidir le cás le déanaí, pé acu ceist faoi fhinné nó faoi...