Teacht ar an Luathscríbhinn Chúirte-Dúnadh an Dorais Chúil

• Author: Dáithí Mac Cárthaigh
• Position: B.A., M.A., LL.B., B.L.
• Pages: 128-136

TEACHT AR AN LUATHSCRÍBHINN

CHÚIRTE–DÚNADH AN DORAIS CHÚIL

DÁITHÍ MAC CÁRTHAIGH*

Faoi réir an Achta um Shaoráil Fáisnéise, 1997,

dlitear don phearsa teacht a bheith aici ar thaifead de chuid

comhlachtaí poiblí áirithe faoi réir na n-eisceachtaí agus na

ndíolúintí a leagtar amach san Acht féin.

Go hachomair dlitear don phearsa go gcuirfí ar fáil di

aon taifead ar bith a cruthaíodh ón 21ú Aibreán, 1998 i leith

agus taifead a bhfuil eolas pearsanta fuithi féin ann is cuma

cathain a cruthaíodh é. I gcás na fáisnéise pearsanta seo

dlitear don duine go ceartófaí í seo agus/nó go dtabharfaí suas

chun dáta í más gá.

Is léir gur áis nua thábhachtach is ea an tAcht seo, ní

hamháin don iriseoir, ach tá na cearta seo fíor áisiúil mar

fhollusú réamhchúise don té atá ag cuimhneamh ar an dlí a

chur ar bhall áirithe den Stát go measa sé an fiú leis dul ar

aghaidh. Tugtar an deis dó seilbh a fháil ar cháipéise inspéise

gan chaingean a bheith ar bun, gan chúiseanna a thabhairt

agus gan ábharthacht na gcáipéisí sin a léiriú. Is é sin muna

bhfuil díolúine ag baint leis an gcáipéisíocht áirithe sin.

Ó tháinig an tAcht i bhfeidhm tá an-tóir, ar na cáipéisí

a bhaineann le cúrsaí pearsanra agus fonn ar na céadta

státseirbhíseach agus seirbhíseach poiblí súil a chaitheamh ar

a gcomhad pearsanra féin, is cosúil.

I measc na dtaifead anach mbaineann an tAcht leo tá

taifid chúirte. Foráiltear le halt 46(1)(a) nach mbaineann an

tAcht le taifead atá i seilbh na gcúirteanna, i seilbh binse

fiosrúcháin nó i seilbh binse fiannais, faoi réir na nAchtanna

Cosanta, agus ar taifead iad a bhaineann le cúirt nó le binse

dá leithéid nó le himeachtaí os a gcomhair.

128 Judicial Studies Institute Journal [1:1

* B.A., M.A., LL.B., B.L.