O Murchu v Claraitheoir na gCuideachtai

• Jurisdiction: Ireland
• Judge: Ó hAnluain
• Judgment Date: 01 January 1998
• Neutral Citation: 1990 WJSC-HC 2171
• Docket Number: 177/88
• Court: High Court
• Date: 01 January 1998

(A.C.)

ó Murchú

and

Cláraitheoir na gCuideachtaí

- Foirmeacha - Athbreithniu breithiunach -Mandamus - Costais - Foirmeacha a fhorordu ag an Aire Tionscail agus Trachtala - Iachall usaid a bhaint as na Foirmeacha i Sceideal Ionstraim Reachtuil 147 den bhliain 1987 no foirmeacha ar aon dul leo - Foirmeacha ar fáil sa leagan Bearla, ach gan fáil orthu sa leagan Ghaeilge - Pé acu an raibh dualgas dlí ar na freagróirí foirmeacha as Gaeilge a chur ar fáil - Bunreacht na hireann, 1937, Airteagal 8 - Bunreacht an tSaorstáit, 1922, Airteagal 4 - Acht na gCuideachtaí, 1963, Alt. 396 - Acht na gCuideachtaí (Leasú), 1982, Alt 3 - Acht na gCuideachtaí (Leasú), 1983, Altanna 5, 59.

Bhían tiarratasóir i mbun eagraíocht darb ainm Comhar na Múinteoirí Gaeilge d'ionchorprú agus do chlárú mar chuideachta le dliteanas teoranta gan scar-chaipiteal agus chuige san dhein sí iarratas in Oifig na gCuideachtaí na foirmeacha cuí d'fháil sa leagan Ghaeilge. Ní rabhthas ar fáil di sa teanga san agus tar éis gur cuireadh moill agus dua uirthi ó thaobh iad a sholathar di, thionscnaigh sí imeachtai san Ard-Chúirt le tabhairt ar Chláraitheoir na gCuideachtaí na foirmeacha cuí a chur ar fáil di. Tar éis di cead a fháil san Ard Chúirt iarratas a dhéanamh ar son mandamus a lorg, deineadh na foirmeacha cuí a chur a fáil di agus ní raibh i gceist ansan ach ceist na gcostas a bhain leis na himeachta go nuige san. Dhiúltaigh na freagróirí na costais a ghéilleadh mar, dar leo, nach raibh dualgas orthu ó thaobh dlí de na foirmeacha a chur ar fáil sa phríomhtheanga oifigiúil, agus, freisin, go raibh cead aici féin iad a aistriú go Gaeilge ó tharla cead a bheith ann foirmeacha "ar aon dul" leo a úsáid. Breith: Ag bronnadh costais na n-imeachta ar an iarratasóir, dúirt an Breitheamh ó hAnluain go raibh sé den bharúil gur sáraíodh cearta dlí a bhi ag an iarratasoir fé'n mBunreacht agus go raibh sé réasúnta aici na himeachta do chur ar bun d'fhonn faoiseamh a lorg.

1990 WJSC-HC 2171

AN ARD-CH ÚIRT

177/88

O MURCHU v. CLARAITHEOIR NA GCUIDEACHTAI

Athbhreithniú

IDIR/

HELEN Ó MURCH Ú

Iarratasóir

agus

CLÁRAITHEOIR NA gCUIDEACHTAÍ agus AN tÁIRE TIONSCAIL AGUS TRÁCHTÁLA

Freagróirí

Citations:

COMPANIES (FORMS) ORDER 1987 SI 147/1987

COMPANIES ACT 1963 S396

COMPANIES (AMDT) ACT 1983 S59

COMPANIES (AMDT) ACT 1982 S3

CONSTITUTION ART.8

AG V COYNE & WALLACE 101 ILTR 17

MAC FHEARRAIGH, STATE V MAC GAMHNIA UNREP O'HANLON 01.06.83

COMPANIES ACT 1963 S5

O FOGHLUDHA V MCCLEAN 1934 IR 469

Synopsis:

IRISH LANGUAGE

Use

Statute - Forms - English - Irish forms unobtainable - Applicant seeking forms written in Irish - Litigation by applicant - Applicant's claim upheld - Applicant awarded costs of litigation - (1988/177 - O'Hanlon J. - 20/6/88)-[1980–1998] IR (SR) 112

|O Murchu v. Registrar of Companies|

MINISTER OF STATE

Powers

Forms - Prescription - Language - Choice - Prescribed forms written in English - Applicant denied forms written in Irish - Applicant's claim upheld - Applicant awarded costs of litigation - (1988/177 - O'Hanlon J. - 20/6/88)-[1980–1998] IR (SR) 112

|O Murchu v. Registrar of Companies|

PRACTICE

Costs

Company - Registration - Application - Prescribed forms - Forms in English - Litigation - Right to forms in Irish established by applicant - Costs of litigation - Companies Act, 1963, s. 396 - Companies (Amendment) Act, 1983, s. 59 - (1988/177 - O'Hanlon J. - (20/6/88)-[1980–1998] IR (SR) 112

|O Murchu v. Registrar of Companies|

1 Breithiúnas a thug an Breitheamh Ó hAnluain an 20ú lá Meitheamh, 1988.

2 Níl í gceist ins na himeachta so anois ach ceist na gcostas. Ba mhian leis an Iarratasóir, atá ina Stiúrthóir ar Chomhar na Múinteoirí Gaeilge, an eagraíocht sin d'ionchorprú agus do chláru mar chuideachta le dliteanas teoranta gan scar-chaipiteal fé fhorálacha Achtanna na gCuideachtaí, 1963 go 1986.

3 Rinne an tAire Tionscail agus Trácthála Ordú (Ionstraim Reachtúil Uimhir 147 den bhliain 1987) fé fhorálacha Alt 396 de Acht na gCuideachtaí, 1963, agus Alt 59 de Acht na gCuideachtaí (Leasú),...